الفلكه وما ادراك ما الفلكه

نوع من الذ انواع العقاب واصعبها .. وهي الفلكــة


هي أداة تأديب يؤدب بواسطتها الطلاب المشاغبون
واسمها قديما (القرايه) .
يعني أي واحد يخطي منهم أو يلتفت أو يظهر منه أي صوت أو يستخف دمه ..يجلد بها جلد لين يشوف نجوم الظهر .
وياليته بس كذا ... هو اللي يجيب الفلكه وعصاها ويعطيها المطوع عشان يجلده.

أما وصف هذه الأداة:وهي خشبه طويلة اسطوانية يقدر طولها (1م) تقريبا وهي من الخشب (الأثل) .عاد مشاء الله الأثل لو يجلد به كافر اسلم..
وتكون مثقوبة مع طرفيها حتى يوضع فيها الحبل إلي يربط مع الجهتين ..ويرافقها عصا ملساء مستقيمة لها صوت صفير وهي تهفهف في الهواء.
أما طريقة العقاب بها :




يطرح الطالب على الأرض بحيث يكون ظهره مستقيم على الأرض ورجليه فوق . ويقوم اكبر الطلاب في المكان بإدخال رجلين الطالب المشاغب بين الحبل والخشبة وتلف حتى تحكم رجليه ولا يمكن إفلاتها . وترفع رجلين الطالب ويقوم المطوع بضرب الطالب بالمصطعه أو بالخيزرانة مع رجليه لين يفحط الطالب على روحه من الوجع. وبعدها يؤمر الطالب بالركض حتى يحس بالوجع الإضافي على وجع الجلد وكذالك حتى لا تورم رجليه..لان الطالب إذا جلس بعد الجلد قد تنتفخ رجله ولا يستطيع الحضور في الدرس القادم ...سياسه!
والمصطعه: هي أداة تكون ملازمه لخشبة ألفلكه. وتلف معها وتحط وراء السحارة إلي يقرا ويكتب عليها المطوع.

ويجلد الطالب أمام زملائه حتى يكون درس له ولمن يمشي ممشاه . > وبلغة العرب لمن يحذوا حذوه
أما بالنسبة لأهل الطالب فهم مبسوطين أن المطوع يؤدب ولدهم ويقولون (لك الحم ولنا العظم)
ويقولون الأولين وابرآي لله..أن المطوع يقول كلما رفعت صوتك بالصياح زادت قوة الضربة..يعني مالك إلا تنجلد وتضحك عشان يخف الجلد.

الله يرحم الأولين ويعظم أجرهم .
.أمين .


يالله عاد نبي نجربها على كم واحد هنا بالمنتدى
هههههههه


منقول