.....
راحت بنا الدنيا والايـام ضاعـت
والعين ما صارت تواري دموعـه
تبغا تشوف اللي عليه استطاعـت
ما تامن الحزات لـو بـار بوعـه
واشموع بالي بالدواريـب ماعـت
تنيـر بالظلمـا بقايـا سطـوعـه
واصدوفها بين المغاليـق فاعـت
شالت على البال بقساها مزوعـه
واحسوس نفسي ما تراخت وزاعت
مير انها تمسي وتضحـي قنوعـه
هذي عناصر قصتي حين شاعـت
واكمالة التوصيف تاتـي تبوعـه
ليه اشتكي للوقـت وايـام تاعـت
شكوا على غير الولي بان جوعـه
والروح تضمى والتفاكيـر جاعـت
بـارادة الرحمـن تبنـي دروعـه
واحلام سجات الفتى قيـل ذاعـت
من هاجسن بين المحانـي يلوعـه
ما صارت ايامن على الكيف طاعت
والدنيا ما تاتي على كيف طوعـه
بامر الولي فوق الزمان استراعت
والا تـرا صيورهـا مـا يروعـه
لو زانت الدنيا للاجـواد صاعـت
قيل انها عقرب صليفـه لسوعـه
نلوذ بالخالق عن كلـوف لاعـت
ما غيره مجير الفتى في خضوعـه
وافكار بالي بالصحـاري تداعـت
ما شاقها الغابـه كثيـره جذوعـه
اشوفها باطـلاح الاقفـار ساعـت
هذا هواها مـا حصدنـا زروعـه
.....
يوسف الخليفة ( أبو عبد الله )
,,,
اتمنى ان القصيده ان تنال على اعجابكم ..
ودمتم
في
حفظ
الله
ورعايتة ..
ابوعمر
الإهداءات
المواضيع المتشابهه
راحت بنا الدنيا والايـام ضاعـت ....
العرض العادي
