@@ ياصغير مايكبرني لغب @@

--------------------------------------------------------------------------------









حبيت اقدم لكم هذه القصيده الرائعه للأمير الشاعر طلال الرشيد رحمه الله



أخليكم مع الأبيات



ياصغير مــــــا يكــــبرني لقـــــب
وما يصغرني الى انكرني صغير


ماخذينا الصيت من جمع الذهب
ولانسابه شيــــــخ او قربه وزير


كاسبينه من هل السيف الحدب
الجنايز كان مـــــــــاجاك النذيــــر


صيتهم نجمٍ على راسه لــــهــب
سمعوا الصقهان به واجهر ضرير


بالوفاء تـــاريخٍ ابيض ينتصــــــب
لاحكوا بالحق حيـين الــــــضمير


ضيغميٍ لـلسنـاعـيـس انـتسب
لابتٍ طـلـنـابها عـــــــــرشٍ كبيـر


عند حدك يا كثير الهـــرج تــــــب
ولاتــمر النار وثيــــابـــــك حريــر


كان لـك عزٍ بــذلي فـتـعـقــــــــب
والله الا تـبـطـي وحبــلــك قصير


احسبك انك من صناديد العرب
واثر ساترتك عباتك يــــــاغريــر


ماحسب للـسـوس زراع القصب
والقــــراده ما درى عنها البعيــر


ولو حسبنا للـحسايف والتعب
ما بذرنا يالــعــصافـيــر الشعير


عن هـلك ابــراي لله واحتسب
الــرجال اللي مــجـاراهم عسير


من قريش المصطفى وابو لهب
والـدغالب ما غشت عذب الغدير


للــرجال من الرجاجيل انـعتب
والزكا’ تحل في حـــــال الفقير


لعنبو وقتٍ غـدينابه حــــطب
تـــحرقه نــــــــارٍ يـثـورها اجير


ماالومك والزمن سوىالعجب
هو بقى غيـــــر الكرامه بالجفير


ما اذل وراسي يشـــم المهب
لـــــــو بقى من شمرٍ طفل غرير


ما اهاب ولا يزلـزلـنـي غضب
الـشـجـاعه ورث والعاقل غزير


ياصغير مــــــــا يكبر باللقــــــب
غـيـر منهو كان من دونه صغير


وسلامتكم ،،،